• https://www.escuelascatolicas.es/pacto-educativo-global/


Xa tedes dispoñible a escola de familias do mes de xuño: PECHAMOS UN CURSO MÁIS. Esperamos coma sempre que sexa do voso interese.

FONDO DE LIBROS, AXUDAS PARA LIBROS E MATERIAL ESCOLAR

CURSO ESCOLAR 2022-23

ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23.

(código de procedemento ED330B). (Diario Oficial de Galicia do 18 de maio de 2022)

 

PRESENTACIÓN DE SOLICITUDES:

Requisitos:

  • Ter una renda per cápita familiar igual ou inferior a 6.000 €.
  • Ter una renda per cápita familiar superior a 6.000 € e igual ou inferior a 10.000 €.
  • Alumnado en situación de garda ou tutela da Xunta de Galicia ou cunha discapacidade igual ou superior ao 65%.

Prazo: Do 19 de maio ao 22 de xuño de 2022.

Solicitudes: Educación Primaria e Educación Secundaria.

 

* A solicitude será única para todos os fillos e, de ser o caso, tutelados, que estean admitidos no mesmo centro docente para o curso 2022/23, e nela especificarase o nivel de estudos que espera realizar cada un deles no citado curso.

Se estivesen admitidos en centros docentes distintos, presentarase unha solicitude en cada un dos centros, na que se incluirán os admitidos nese centro para o curso 2022/23.

No caso de que a solicitude se tramite por vía electrónica empregando a aplicación fondolibros, será necesaria a presentación dunha solicitude por cada alumno aínda que estean no mesmo centro.

Cando o alumnado, no momento de presentar a solicitude, aínda non estea admitido en ningún centro docente para o curso 2022/23, deberá presentala no centro en que estivese matriculado no curso 2021/22.

 

DATAS A TER EN CONTA:

19 de maio: comezo do prazo para presentar solicitudes

22 de xuño: data límite de presentación de solicitudes.

11 de xullo: data límite para a publicación das listaxes provisionais.

22 de xullo: data límite para a publicación das listaxes definitivas (EP e ESO)

A entrega de libros de Primaria e Secundaria serán o primeiro día de clase de setembro pola tarde.

 

Xa tedes dispoñible a escola de familias do mes de maio cun tema moi actual e interesante nestes momento: O SÍNDROME DA CARA BALEIRA. Esperamos coma sempre que sexa do voso interese.

O pasado sábado 30 de abril, parte da comunidade salesiana da nosa casa e un grupiño de profes , tivemos unha xornada de convivencia.

Nesta ocasión visitamos os mosteiros de San Pedro de Rocas e San Estevo de Ribas de Sil, onde unha guía nos foi amosando o mais característico de cada un deles. A verdade que nos gustaron moito!!

Para a hora de xantar desprazámonos á cidade das Burgas, onde tivemos o rato da comida nun fermoso sitio.

Xa despois para baixar a comida visitamos o centro histórico, nesta ocasión foi José Luís, o noso director, quen facía de guía. Resultou unha xornada de convivencia moi agradable onde compartimos moitas anécdotas e risas.

Para o curso que vén... espéranos outra!!!

APAIXONADOS POLA VIDA!                                                APAIXONADOS POLA CONVIVENCIA!

O pasado martes 19 pola tarde, tivemos a Celebración de Pascua na parroquia da Milagrosa.

Onde lembrabamos a importancia do tempo litúrxico que estamos a vivir. Xesús resucitou a unha nova VIDA.

Despois da escoita da pasaxe bíblica do Camiño de Emaús e reflexión, fixemos un simbólico xesto cunhas cruces de cores arredor dunha cruz baleira. Onde poñíamos as cousas as que queríamos renacer, resucitar neste tempo de Pascua, como educadores dun colexio salesiano.

FELIZ PASCUA. Seguimos Apaixonados por Xesús.

contacto