O alumnado de infantil gozou dunha divertida xornada de Entroido. Exploraron a selva cos seus disfraces, que foron moitos e variados: exploradores, animais, superheroes, princesas, fadas, piratas...

Desfilaron polo escenario do salón de actos e logo da merenda e da degustación de doces do entroido bailaron todos xuntos no corredor de infantil.

 

Hoxe pola mañá os alumnos de EP e ESO tivemos a celebración da colonia (1º-3º EP) e da cinza(4º-6º EP e ESO).

Onte comezábamos un novo tempo litúrxico,a CORESMA, neste tempo imos comezar unha nova aventura, unha aventura paseniño con Xesús durante corenta días.

Neste tempo temos oportunidade de cambiar, de mellorar as nosas accións con nos mesmos e cos outros.

Así que durante esta Coresma, teñamos o noso tempo de conversión, o noso tempo de cambio.

 

 

 

 

Lugo, 7 de marzo de 2019

 

Benqueridas familias,

 

Con esta breve circular, en primeiro lugar, queremos agradecerlles a súa xenerosa colaboración solidaria nos festivais de Don Bosco e na Operación Bocata, así como na despensa solidaria que este curso estamos a desenvolver dun xeito continuado por etapas e imos informando polas redes sociais do centro.

 

En segundo lugar queremos informarlles das cantidades recadadas nestas actividades. Estamos convencidos que máis importante que os euros recadados é a educación no valor da solidariedade. Un valor que nos leva a pensar nos outros e aportar o noso gran de area para construír un mundo máis solidario.

 

Nos festivais solidarios recadamos 1733,80 euros, que foron destinados integramente a Ho Chi Minh City (Vietnam) por medio de Misiones Salesianas e ao proxecto Ningún neno sen campamento.

 

No Bocata Solidario recadamos nesta ocasión 1236,88 euros, que foron destinados tamén integramente a Misiones Salesianas (Proxecto Ho Chi Minh City). Este ano agradecemos a colaboración de Fontecelta, Arume, Carnicerías Piedrafita e a comunidade Salesiana. Tamén agradecemos dun xeito especial a presenza das familias que participaron con nós neste xesto e aquelas que non puideron asistir, pero colaboraron coa Fila 0.

 

Moitas grazas a todos e todas!

 

O equipo de pastoral

Un ano máis  celebrouse no noso colexio a Operación Bocata. Case 400 persoas, entre pequenos e grandes, xuntámonos para o acto solidario. Comemos con ganas os bocadillos e gozamos dun intre en familia, con xogos e música; e con este sinxelo xesto, achegamos o noso granito de area á presenza  salesiana de Vietnam, que está a traballar duro para fomentar no país unha formación profesional de calidade, que permita o crecemento económico e o desenvolvemento, tan necesario despois da aínda recente guerra.

Este ano agradecemos a colaboración de Fontecelta, Arume, Carnicerías  Piedrafita e a Comunidade  Salesiana. Grazas a eles o importe recadado dos bocadillos irá totalmente destinado a Misións Salesianas para o citado proxecto.

E moitas grazas a todos os que colaborastes dunha maneira ou doutra, á comunidade educativa e aos alumnos. Esperamos ver moitas máis edicións da Operación Bocata!